XXV.en Zegama-Aizkorri Maiatzaren 17an ospatuko da eta aurre izenemateak urtarrilaren 12an irekiko dira Maratoirako eta 26an KB eta Junior Trail-erako.

Zegama-Aizkorri hodeiertzean forma hartzen ari da. Badago data 245. edizioa egitekomundu mailako mendi maratoirik esanguratsuena bezala hartua dena. Maiatzaren 17ean ehunka zalek hegan eramango dituzte korrikalariak mundu mailako ikur diren parajeetara, Sancti-Spiritura, esaterako. Golden Trail World Serierako proba puntuagarriak 225 plaza izango ditu aurten ere zozketan.

Maratoiko dortsaletan parte hartzeko aurreinskripzioak urtarrilaren 12an irekiko dira, 12:00etan, Kronoak.com izen-emate plataformaren bidez. Hamar egunez, urtarrilaren 12tik 23ra, parte hartu nahi duten guztiek aurrez izena eman ahal izango dute maratoiko dortsala eskuratzeko. Ondoren, zozketara doazenak, dortsala denbora onagatik dutenak eta dortsala herrikoa izateagatik edo edizio guztiak amaitu izanagatik dutenak banatuko dira. Urtarrilaren 26an, berriz, Kilometro Bertikala eta Junior Traila (16-18 urte) egiteko epea irekiko da. Hiru lasterketetarako dortsalen zozketa otsailaren 20an egingo da.

2026eko maiatzaren 17an, 2025ko edizioan irabazleen lekukoa hartuko duten atletak ezagutuko dira: Sara Alonso, donostiarrak 4h27.25eko denborarekin aurreko edizioetako arantza ateratzea lortu zuen eta Elhousine Elazzaoui marokoarrak (3h43.28), Zegamako plazan lehen garaipena lortuz.

ZEGAMA 2026RAKO DATAK

• 2026eko urtarrilak 12: 25.en Zegama-Aizkorri Maratoiaren aurre izen ematea
• 2026eko urtarrilak 26: 12. en Zegama-Aizkorri KBaren eta 15. en Zegama-Aizkorri Junior Trail-aren aurre izen emateak
• 2026eko otsailak 20: Dortsalen zozketa
• 2026eko maiatzak 15: 12.en Zegama-Aizkorri Kilometro Bertikala
• 2026eko maiatzak 17: 25. Zegama-Aizkorri Maratoia eta 15. Zegama-Aizkorri Junior Trail-a