HAMAIKA: Leialtasunari omenaldia Zegama-Aizkorriren 25. urteurrenean

18 Martxoa 2026

Zegama-Aizkorriren 25. urteurrenean, "Hamaika" ekimenaren bidez 25 dortsal berezi zozketatu ditugu gure korrikalari beteranoenen artean. Zozketa amaitu da eta emaitzak dagoeneko eskuragarri daude.

Hamaika. Euskaraz 11 zenbakia izateaz gain, infinitua, kontaezina dena eta mugarik ez duena ere bada. Zegama-Aizkorrin, "Hamaika" gure familiaren parte diren korrikalari horiek guztiek erakutsitako kuraia eta pazientzia da; urteetan eta urteetan zain egon direnena, amore eman gabe.

25. urteurren honetan, omenaldi txiki bat egin nahi izan diegu hamaika aukera metatu dituzten beteranoei, 25 dortsal gehigarri zozketatuz. Zozketa gaur, martxoak 18, egin dugu eta emaitzak kontsultatzeko botoia aktibatu dugu webgunean.

Emaitzen zerrendan izena berdez duten korrikalariek dortsala lortu dute. Gainontzekoak itxaron-zerrendan geldituko dira, zozketako zenbakiaren arabera ordenatuta.

Ikusi Emaitzak / Ver Resultados

Irabazleek email bat jasoko dute Rockthesport plataformatik izen-ematea formalizatzeko. Gogoratu martxoaren 30era arteko epea duzuela prozesua amaitzeko.

Eskerrik asko bihotzez, "hamaika" bider saiatzeagatik. Zuek gabe, Zegama ez litzateke Zegama izango.