• Hasiera
  • Albisteak
  • Bueltan da Zegama Aizkorri, edizio desberdin baterako inskripzioak zabalik!

Bueltan da Zegama Aizkorri, edizio desberdin baterako inskripzioak zabalik!

Egunean 50 dortsalekin, proba uztailaren 1etik irailaren 30era egingo da. Edizio honetan parte hartzaileek Open Trail Races aplikazioaren bidez osatu ahal izango dute proba eta sailkapen ofizialean sartu ahal izango dira. Zegama- Aizkorriren ibilbidea osorik edo lau segmentutan egin ahal izango da.

Zegama-Aizkorri bueltan da, mendi korrikalariek gehien espero duten lasterketetako bat, Open Trail Races app-aren bidez lehiatu ahal izango den edizio ezberdin batekin. Mendiko proba mitikoa ekainaren 6ko asteburuan egitekoa zen, bertan behera geratu zen osasun-agintarien gomendioen ondorioz, baina antolakuntzak beste karrera proposamen bat aurkeztu du, ezberdina baina batez ere segurua. Horrela, dagoeneko zabalik daude izen-emateak, eta uztailaren 1etik irailaren 30era bitartean egunero 50 dortsal eskura daitezke. Horri guztiari esker, korrikalari gehiagok parte hartu ahal izango dute aurtengo ekitaldian. Salomon probako babesle ofiziala da berriz ere, eta mendia maite duten zale guztiak animatu nahi ditu lehiaketa historiko honetan parte hartzera.

Bigarren urtea da Zegama ezin dela ospatu, ohiko moduan behintzat. 2020an, lehiaketa modu birtualean egin zen, 12.000 parte-hartzaile baino gehiagorekin, osasun-larrialdiaren ondorioz, eta, edizio honetan, aurrez aurre egin ahal izango da, egunean 50 dortsaleko mugarekin. Mendi lasterketen zaleentzat oso lasterketa berezia da hau, urtez urte munduko leku guztietatik bidaiatzen baitute esperientzia paregabea bizitzeko, ez bakarrik bere ibilbidearen ikusgarritasunaren ondorioz, baita Euskal Herriko herri honetako biztanleen grinaren ondorioz ere. Guzti honek, Zegama-Aizkorri mugarri bihurtu du edozein korrikalarirentzat, bizitzan behin gutxienez egin beharreko proba.

Lasterketa uztailaren 1etik irailaren 30era bitartean egin ahalko da, nahi dutenek ekinaldi bakarrean edo etapaka egiteko aukera eskainiz. 4 zatitan egongo da banatuta 42 km-ko proba eta 5.472 m-ko desnibel metatua modu sekuentzialean osatzeko aukera.

Etapaka korritu nahi dutenentzat Zegama-Aizkorri 2021 lasterketaren segmentuak hauek dira:

  • Zegama – Otzaurte (km 0 - km 7)
  • Otzaurte – St Spiritu (km 7 – km 20)
  • St Spiritu – Moano (km 20 – km 34)
  • Moano – Zegama (km 34 – km 42)

Lasterketa irailaren 30era arte osatu behar da gehienez, eta sailkapen ofizialak Open Trail Races aplikazioaren datuen bidez baliozkotuko dira. Irabazleek Salomonen ekipazioa jasoko dute rankingean duten posizioaren arabera, eta 42 kilometroak betetzen dituzten parte-hartzaile guztiek finisher diploma jasoko dute. Gainera, Salomon zapatilak zozketatuko dira euren dortsala Instagrameko feed-ean partekatzen duten korrikalarien artean @salomon.spain aipatuz eta #Zegama2021 traola erabiliz.

Izen-emateak RocktheSport webgunean daude eskuragarri dagoeneko eta OpenTrailRaces aplikazioa telefonoan deskargatuta soilik, erronkarekin bat egiten duten guztiek lasterketaz gozatu eta sailkapen ofizialetan agertuko dira. Behin izen ematea eginda, parte hartzaileek Zegamako Kultur Etxean jasoko dute lasterketaren kamiseta ofiziala eta dortsal preziatua besteak beste dituen korrikalarien poltsa. Edizio bakarra izango da aurtengoa, eta askoz korrikalari gehiagori ametsa bete eta Zegama-Aizkorrin parte hartzeko emozioa beste modu batera bizitzeko aukera emango die.

Lasterketari buruzko informazio guztia: www.salomonspain.es/eu/zegama-2021-2/

Antolatzaileak

Babesle Nagusiak

Beste Babesleak