ARAUDIA

1.- DATA eta LEKUA: Zegama-Aizkorri mendi maratoia Maiatzeko laugarren igandean  ospatuko da, Zegamako herrian

(Gipuzkoan).Zazpigarren edizio hau 2008 ko Maiatzaren 25 an  ospatuko da. irteera goizeko 9 tan izango duelarik.

2.- IBILBIDEA: Proba Aizkorri mendizerraren bi isurietatik iragaiten da. 42,195 kilometroko luzera du eta desnibel

metatua 5.472 metrokoa da. Neurketak EMF-ko eta FEDME- ko teknikariek homologatu dituzte.

3.- Proba, Zazpigarren edizio honetan, 2008 Skyrunning European Championship izango da .

4.- PARTEHARTZEA: 18 urtetik gorako atleta, mendizale eta kirolari guztiek dute proban parte hartzeko aukera baina,

gehienez ere, 400 lagun onartuko dira., arautegi honetan adierazitako guztia onartu eta zehaztutako baldintza guztiak

betetzen badituzte behintzat.

5.- MAILAK:  (proba ospatzen den egunean duten adina)

Gizonezkoen maila:

18 urte baino gehiagoko absolutoak

45 – gora beteranoak

Emakumezkoen maila:

18 urte baino gehiagoko absolutoak

40 – gora beteranak

2008 Skyrunning European Championship-ari dagokionez, partehartzaileak beste maila hauetan sailkatuko dira:

        GIZONEZKOAK: Bakarra                                                                                   

        EMAKUMEZKOAK:Bakarra

6.- IZEN-EMATEAK: gehienez ere 400 korrikalari. Aurreinskripzioa Urtarrillaren 14tik ,  25 arte. web horri honetan bertan .

7.- PREZIOA: kuota 40€koa da aseguru txartelak mendian korrika egiteko estaldura badu, eta 50€koa federatuta ez daudenentzat edo

aseguru txartelak mendian korrika egiteko estaldura ez dutenentzat. Aipatu zenbatekoek zera bermatzen dute: proban parte hartzeko

eskubidea, erantzukizun zibileko

asegurua eta ezbeharretakoa, antolakuntzak partehartzaileentzako atondutako zerbitzuak erabiltzeko eskubidea, oroigarri moduko

elastikoa eta antolakuntzak probarako lor ditzaken sarien zozketan parte hartzeko aukera.

a antolakuntzak probarako lor ditzaken sarien zozketan parte hartzeko aukera.

8.- SEINALEZTAPENA: Ibilbidea behar bezala seinaleztatuta egongo da, kartel adierazleekin eta ageriko balizaje-zintekin.

Kilometro-erreferentziak ibilbide osoan zehar jarriko dira.

9.- KONTROLAK: probaren luze-zabalean antolakuntzak 14 kontrol-gune jarri ditu eta berauetatik pasatzea ezinbestekoa

izango da, gune hauetan egingo bait dira erregelamenduzko igarotze-kontrolak. Aizkorriko tontorrean jarriko da, bestalde,

Tarteko Helmuga.

10.- HORNIDURA: 13 anoa postu atonduko dira helmugakoaz gain. Postu hauetan produktu energetiko eta freskagarriak

eskainiko zaizkie partehartzaileei (ura, fruta, barrak, edari energetikoak, e.a.) (ikus perfilaren grafikoa).

11.- IGAROTZE-DENBORAK: korrikalariek, gehienez ere, 8 ordu izango dituzte helmugara iristeko eta, hau horrela, aipatu

denbora gainditzen duten partehartzaileek behin-betiko sailkapenean agertzeko aukera oro galduko dute.

Edonola ere, Antolakuntzako arduradunek korrikalariak probatik baztertzeko ahalmena izango dute ondorengo kasu

hauetan: kronometraje-kontrol ezberdinetan egitea espero den denborak betetzen ez dituztenean, probako arauak hausten

dituztenean, ezarritako ibilbideari zehatz-mehatz lotzen  ez zaizkionean, erregelamenduzko dortsala ondo ikusteko moduan ez

daramatenean, antolatzaileek esandakoari jaramonik egiten ez diotenean edota gainontzeko korrikalariekiko kiroltasunez

jokatzen ez dutenean.  Xede hauetarako,  probaren amaiera adieraziko duten bi korrikalariren partehartzea aurreikusten du

antolakuntzak. Baztertua edo kanporatua den partehartzaile orok gertuen duen kontrol gunean eman beharko du bere

dortsala eta antolatzaileek agindu bezala utzi beharko du proba.

12.- SARIAK:

Gizonezko Absolutoak :

1º. Txapela, Garaikurra eta 1200 € eskudirutan

2º. Garaikurra eta 600 € eskudirutan.

3º. Garaikurra eta 300 € eskudirutan .

4º. 150 € eskudirutan.

5º. 100 € eskudirutan.

Beteranoak:

1º Txapela, Garaikurra eta bi lagunentzako bazkaritarako txartela.

2º Garaikurra.

3º Garaikurra.

Emakumezko Absolutoak

1ª Txapela, Garaikurra eta 1200 € eskudirutan.

2ª Garaikurra eta 600 €ko eskudirutan

3º Garaikurra eta 300 € eskudirutan.

 Beteranak:

1º Txapela, Garaikurra eta bi lagunentzako bazkaritarako txartela.

2º Garaikurra.

3º Garaikurra.

TARTEKO HELMUGA

* Sailkatutako lehen emakumezkoa:  100 € eskudirutan.

* Sailkatutako lehen gizonezkoa: 100 € eskudirutan.

* Sari hauek jaso ahal izateko , 8 orduz azpitik iritsi beharko da  helmugara.

SARI BEREZIA: proba amaitzea lortzen duen kirolari zaharrenarentzat sari berezi bat izango da.

Gainera proba ezarritako denboran amaitzen duten partehartzaile guztiek bertako produktu sorta bat jasoko dute.

13.- SAILKAPENA: Sailkatzen diren Europear korrikalari guztiek puntuatuko dute 2008 Skyrunning European Championship-an.

Herrialdekako sailkapen sistema erabiliko da lasterketa bakoitzean lehen hiru gizonezkoek eta lehenengo emakumezkoak lortu dituzten

puntuen arabera. Talde bakoitzaren osaketa edo ekipo nazional bakoitza nola osatuta dagoen txapelketaren hasieran esan beharko da

eta aldaketarik balego, gutxienez lasterketa baino 12 ordu lehenago jakinarazi beharko da. Taldea osatzeko gutxienez 2 eta gehienez 12

kide beharko dira. Kide hauek ezin izango dira talde batetik bestera pasa behin txapelketa hasi ondoren. Taldekideak jantzi edota

logotipo berbera eraman beharko dute soinean. Puntu gehien lortu dituen taldea izango da

2008 Skyrunning European Championship Txapelduna.

14.- BILERA INFORMATIBOA: Antolakuntzak probaren iraganbide ezberdinei buruzko informazio topografikoa eta

antolaketari buruzko xehetasun garrantzitsuenak ezagutarazi eta eskainiko ditu aurkezpen tankerako bilera batean.

Aipatu aurkezpena Zegamako Herri Eskolako gimnasioan egingo da proba ospatu bezperan, 2007ko Maiatzaren 24an,

arratsaldeko 18:00etan. Partehartzaileak bilera honetara hurbiltzea garrantzitsua da oso.

15.- DORTSALEN BANAKETA: dortsalak Herri Eskolako gimnasioan banatuko dira, 2008ko maiatzaren 24an, arratsaldeko

5etatik 8ak artean. Maiatzaren 25an bertan, berriz, goizeko 7etatik 8etara banatuko dira plazan, irteera-puntutik gertu izango

den karpan.

16.- INGURUGIROA: Lasterketa, bere zatirik handienean, edertasun natural handiko parajeetatik igarotzen da eta, hau

horrela, ingurunea ahal beste zaintzeko eta zaborrak kontrol-guneetatik kanpora ez botatzeko eskatuko zaie partehartzaile

guztiei. Xede horrekin zabor-kontenedoreak ere ezarriko dira kontrol-guneetatik 100 metroko distantzia arte.

Oinarri-oinarrizko arau hau betetzen ez duen korrikalari oro probatik kanpora utzi  ahal izango da.

17.- OSASUN-LAGUNTZA: Antolakuntzak sorospen eta salbamendu-zerbitzuak atonduko ditu ibilbideko puntu

estrategikoenetan. Era berean masaje-zerbitzuak, dutxak, komuna eta aparteko beharren bat duten edota ondoezak jota

iristen diren kirolariei aurreneko laguntza emango dieten medikuak ere izango dira helmugan.

18.- SEGURTASUNA: Antolakuntzak, aurretik Lasterketako Batzordearekin hala adostuz gero, proba ordezko ibilbidetik

desbideratzeko, beharrezkotzat jotzen dituen aldaketak egiteko eta, eguraldiak hala eskatzen badu, maratoia bertan behera

uzteko eskubide osoa izango du.

19.- LAGUNTZA EZBEHARRETAN: Partehartzaileek betekizun izango dute istripuren bat izan duen edonor laguntzea eta

kontrol-guneetan edozein ezbehar baten berri ematea.

20.- ERANTZUKIZUNA: Antolakuntzak erantzukizun oro ukatuko du istripuren bat gertatuz gero edota zabarkeriaz jokatzen

bada; eta baita partehartzaileen  objetu pertsonalei dagokienean ere, xede horrekin kontsigna-zerbitzu bat izango

bait da helmugan bertan. Horrela bada, partehartzaileek izango dute euren buruari edota hirugarren pertsonei eragindako kalte

ororen erantzukizuna.